Foto: Muhsin Umurzoqov / “Xalq soʻzi”

“Oʻzgidromet” 16-20-fevral kunlari kuzatiladigan ob-havo maʼlumotlarini eʼlon qildi.

Unga koʻra, bugun va ertaga Oʻzbekiston boʻyicha baʼzi joylarda yomgʻir yogʻadi, faqat shimoli-gʻarbiy hududlarda yogʻingarchilik kutilmaydi. Ayrim joylarga tuman tushishi mumkin, havo harorati asosan kunduzi 15-20 daraja iliq boʻladi.

18-20-fevral kunlari respublika hududi boʻyicha yogʻingarchilik kutilmaydi. Kunduz kunlari havo 20-25 daraja iliqqacha isiydi, kechalari 7-12 daraja iliq atrofida boʻladi. Mamlakat boʻylab baʼzi joylarda shamol tezligi 13-18 metr/sekundgacha kuchayadi, ayrim joylarda baʼzida 23-23 metr/sekundgacha kuchayishi mumkin.

Respublikaning togʻ oldi va togʻli hududlarida 16-18-fevral kunlari vaqti-vaqti bilan yogʻingarchilik boʻladi, sel-suv toshqin hodisalari yuzaga kelishi mumkin. Togʻlarda qor koʻchishi xavfi bor.

Toshkent shahrida 16-fevral kuni kunduzi vaqti-vaqti bilan yomgʻir yogʻadi, harorat 17-19 daraja iliq boʻladi. 17-fevralda kechasi va ertalab yomgʻir yogʻadi, tuman tushishi mumkin. Kunduzi yogʻingarchilik kutilmaydi, havo harorati 15-17 daraja iliq boʻladi.

18-20-fevral kunlari esa harorat asosan kechalari 9-12 daraja iliq, kunduz kunlari 22-25 daraja iliq boʻladi. Shamol sharqdan birozdan oʻrtacha tezlikkacha esadi. Yogʻingarchilik kutilmaydi.