Shu kunlarda Tailandda futzal boʻyicha navbatdagi Osiyo Kubogi bahslari boʻlib oʻtmoqda. Ushbu nufuzli musobaqada saralash bosqichlaridan muvaffaqiyatli oʻtgan qitʼamizning 16 terma jamoasi gʻoliblik uchun kurash olib bormoqda.

Qurʼaga koʻra, Oʻzbekiston terma jamoasi «B» guruhidan joy olgan boʻlib, keyingi bosqichga chiqish uchun Saudiya Arabistoni, Iroq va Avstraliyaga qarshi bahs olib bormoqda.

Kecha vakillari musobaqa doirasidagi birinchi uchrashuvni Avstraliyaga qarshi oʻtkazdi. Keskin kurashlarga boy oʻtgan oʻyinda vakillarimiz 3:2 hisobida gʻalabaga erishdi. Jamoamizga gʻalabasini taʼminlagan gollarni Akbar Usmonov va Dilshod Rahmatov raqib darvozasiga kiritdi. Avstraliyaning javob toʻplari Ueyd Jovenali va Tayler Garner nomiga yozildi.

Oʻzbekiston — Avstraliya 3:2

Gollar: Akbar Usmonov 21, Dilshod Rahmatov 21, 36  — Ueyd Djovenali 5, Tayler Garner 38.

Oʻzbekiston: 12. Abbos Elmurodov, 4. Ixtiyor Ropiyev, 6. Ilhomjon Hamroyev, 8. Husniddin Nishonov, 9. Elbek Toʻlqinov.

Zaxira: Anvarov, Botirov, Adilov, Joʻrayev, Rahmatov (s), Usmonov, Axmetzyanov, Hudoyberdiyev, Berkinov.

Avstraliya: 1. Domenik Badolato. 5. Jordan Gerreyro, 6. Ueyd Jovenali, 8. Daniel Fornito, 10. Shervin Keshavars Adeli.

Zaxira: 2. Tayler Garner, 3. Adam Styuart Kuper, 4. Dominik Koks, 7. Skott Rogan, 9. Grant Linch, 11. Itan de Melo, 12. Aaron, 13. Maykl Kouta, 14. Jeymi Dib.

Oʻzbekiston terma jamoasi 19-aprel kuni Iroq terma jamoasiga, 21-aprel kuni esa Saudiya Arabistoni terma jamoasiga qarshi bahs olib boradi. Har ikki uchrashuv Toshkent vaqti bilan 19:00 da boshlanadi.

Maʼlumot oʻrnida aytib oʻtamiz, Oʻzbekiston terma jamoasi futzal boʻyicha Osiyo Kuboklarida 4-marta kumush, 5-marta bronza medalini qoʻlga kiritgan.