Foto: “Xalq soʻzi”

Viloyat hokimining farmoyishi asosida shu kunlarda hudud boʻylab Adabiyot bayrami tadbirlari boʻlib oʻtmoqda.

Shu munosabat bilan poytaxtdan tashrif buyurgan taniqli shoir va yozuvchilar, adabiyotshunos olimlardan iborat mehmonlar Qoʻqon shahridagi temir yoʻl bekatida tantanali kutib olindi.

Adabiyot bayramlari doirasida Qoʻqon shahar musiqali drama teatrida oʻzbek adabiyoti namoyandalari Zavqiy, Husayn Shams, Amin Umariy xotirasiga bagʻishlangan hamda Oʻzbekiston Yozuvchilar uyushmasi aʼzosi, taniqli ijodkor Kommuna Olimova tavalludiga 90 yil toʻlishi munosabati bilan tashkil etilgan tadbir oʻtkazildi.

— Shuningdek, shu kunlarda viloyatdagi bir qator mashhur ijodkorlar, xususan, Ismoil Mahmud tavalludining 75 yilligi, Alisher Ibodinov va Aʼzam Ismoilning 70 yilligi, Said Anvarning 60 yilligi keng nishonlanadi,—deydi Oʻzbekiston Yozuvchilar uyushmasi Fargʻona viloyati boʻlimi rahbari Dilshoda Ergasheva. —Oʻz navbatida tadbirlar rejasiga koʻra, joylarda adabiy muloqotlar, mushoiralar, yosh ijodkorlar bilan yuzma – yuz uchrashuvlar ham tashkil etiladi.

Botir MADIYOROV, “Xalq soʻzi”.