Illyustrativ foto

Yevropa Ittifoqi 19 yoki 22 sentyabr kuni Rossiyaga qarshi sanksiyalarning 19-paketini taqdim etadi. Bu haqda “Politico” nashri diplomatlarga tayanib xabar tarqatdi.

«Chorshanba kuni Yevrokomissiya Yevropa Ittifoqi elchilariga sanksiyalar paketini juma yoki dushanba kuni kutishlari kerakligini aytdi», — deyiladi nashrda.

“Reuters” avvalroq Yevropa Ittifoqi Rossiyaga qarshi sanksiyalarning 19-paketi loyihasini 17 centyabr, chorshanba kuni taqdim etishi kutilayotgani haqida xabar bergan edi.

Rossiya muntazam G‘arbning sanksiya bosimiga dosh berishini taʼkidlab keladi. Moskva G‘arbda Rossiyaga qarshi sanksiyalar muvaffaqiyatsizlikka uchraganini tan olishga jasorat yetishmayotganini qayd etadi. G‘arb davlatlarining o‘zi ham bir necha bor Rossiyaga qarshi sanksiyalar samarasiz, degan fikrni bildirgan.

Rossiya prezidenti Vladimir Putin Rossiyani jilovlash va kuchsizlantirish siyosati uzoq muddatli G‘arb strategiyasi ekanini, sanksiyalar butun jahon iqtisodiyotiga jiddiy zarba berganini taʼkidlagandi. Uning aytishicha, G‘arbning asosiy maqsadi millionlab odamlarning hayotini yomonlashtirishdir.