Ertaga “Qorasuv-Boʻka-Bekobod” avtomobil yoʻli yopiladi

22:41 22 Aprel 2021 Jamiyat
4599 0

Toshkent viloyati Nurafshon shahrida olib borilayotgan keng koʻlamli obodonlashtirish va qayta qurish ishlari munosabati bilan ayrim avtomobil yoʻllarida avtotransport vositalarining harakati vaqtinchalik toʻxtatilmoqda.

Bu haqda viloyat ichki ishlar bosh boshqarmasi YHXB axborot xizmati maʼlum qilmoqda. Xabarda qayd etilishicha, Nurafshon shahar hokimining tegishli farmoyishiga asosan ertaga – 23-aprel kuni 4R-20 – “Qorasuv-Boʻka-Bekobod” avtomobil yoʻlining 0-2 kilometrlari oraligʻida transport vositalari harakati toʻliq toʻxtatiladi.

Viloyat IIBB YHXB shu munosabat bilan yoʻl harakati ishtirokchilaridan ushbu holatni inobatga olgan holda harakatlanishi hamda yoʻl harakati qoidalari talablariga amal qilishini soʻraydi.

Eslatib oʻtamiz, 4R-20 yoʻli viloyatning Bekobod shahri, Bekobod, Boʻka, Oqqoʻrgʻon tumanlari poytaxtimiz bilan bogʻlovchi asosiy yoʻl hisoblanadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?