Erkin kurashchilarimiz 2ta oltin, 1ta kumush, 3ta bronza, yunon-rum kurashchilarimiz esa 5ta medalni qoʻlga kiritishdi.

Bugun Ukraina poytaxti Kiyev shahrida erkin, yunon-rum va ayollar kurashi boʻyicha anʼanaviy xalqaro turnir yakunlandi.

Oʻz tarixida yigirmanchi marta tashkil etilgan musobaqada dunyoning 20dan ortiq davlati kurashchilari uch kun davomida medallar uchun gilamga chiqishdi. Ular qatorida mamlakatimiz sportchilari ham Vatanimiz sharafini himoya qilishdi.

Turnirda Olimpiada hamda jahon chempionati gʻolib va sovrindorlari ishtirok etgani bahslarning murosasiz kechishini taʼminladi.

Yakunda erkin kurashchilarimiz 2ta oltin, 1ta kumush, 3ta bronza, yunon-rum kurashchilarimiz esa 5ta medalni qoʻlga kiritishdi. Gʻulomjon Abdullayev va Ilyas Bekbulatov oʻz vazn toifalarida shohsupaning eng yuqori pogʻonasiga koʻtarilishdi.

Erkin kurash musobaqasida sovrindor boʻlgan sportchilarimiz:

Oltin medal

57 kg: Gʻulomjon Abdullayev

70 kg: Ilyas Bekbulatov

Kumush medal

57 kg: Nodirjon Safarov

Bronza medal

57 kg: Mahmudjon Shavkatov

79 kg: Bekzod Abdurahmonov

86 kg: Javrail Shapiyev

Yunon-rum kurashi musobaqasida sovrindor boʻlgan sportchilarimiz:

Bronza medal

55 kg: Ilhom Bahromov

67 kg: Aram Vardanyan

82 kg: Jalgasbay Berdimuratov

87 kg: Rustam Assakalov

130 kg: Moʻminjon Abdullayev

Maʼlumot uchun, mamlakatimiz delegatsiyasi ertaga soat 20:00da Kiyev - Minsk - Toshkent aviareysi bilan yurtimizga qaytib keladi.