Bugun, 2-aprel kuni Oʻzbekistonga Gʻarbiy Sibirning janubiy hududlaridan sovuq antitsiklon kirib keladi. Shuningdek, kunduzi antitsiklon sharqga qarab siljiydi va Eron hududidan iliq havo kirib kelishi boshlanadi Bu haqda Gidrometeorologiya xizmati markazi xabar berdi.

Ertaga, 3-aprel kuni iliq havoning kirib kelishi kuchayadi, kechasi harorat 0-5 darajani tashkil etadi, kunduzi harorat 19-22 darajagacha koʻtariladi, bu aprel oyi boshidagi oʻrtacha koʻp yillik qiymatlaridan 2-3 daraja yuqoridir. Respublika boʻyicha yogʻingarchiliksiz ob-havo boʻlishi kutilmoqda, faqat shimoliy hududlar boʻyicha baʼzi joylarda yomgʻir yogʻadi, momaqaldiroq boʻlishi mumkin.

Yakshanba kuni nam havo massasi respublikaning barcha hududlarini qamrab oladi. Barcha joylarda yomgʻir yogʻadi, momaqaldiroq boʻlishi mumkin, baʼzi joylarda shamol 17-22 m/sgacha kuchayadi. Havo harorati 8-13 darajani tashkil etadi, kunduzi 11-16 darajadan yuqori boʻlmaydi. Shimoliy hududlarda kechasi va ertalab yomgʻir yogʻadi, Fargʻona vodiysi viloyatlarida yomgʻir va momaqaldiroq bilan kuzatiladigan atmosfera fronti kechqurun boʻlib oʻtadi.

Toshkent viloyatida va Fargʻona vodiysida kechasi va kunduzi 5-aprelda yomgʻir yogʻishi saqlanib turadi.

Respublikaning togʻ oldi va togʻli hududlarida 4-5-aprelda yomgʻir yogʻishi kuchli boʻladi, buning hisobiga ushbu hududlarda sel kelishi mumkin.

2-4-aprelda Toshkent va Namangan viloyatlarining 1600 m dan yuqori togʻli hududlarida qor koʻchishi xavfi bor.