Toshkent viloyati Qibray tumanida yosh yigit besh kishini gʻayriinsoniy oʻldirgani uchun umrbod qamoq jazosiga hukm qilindi.

Shafqatsiz hodisa joriy yilning 29-iyul kuni sodir boʻlgan. Qotillikka sabab yigit jabrlanuvchilardan birini yaxshi koʻrib, uning qoʻlini soʻragan, biroq rad javobi berilgan.

Oʻsha kuni u uyga yarim tunda, uy egalari uxlab yotgan vaqtida kirib, qassob pichogʻi yordamida besh kishini, jumladan, ikki qiz, ularning otasi, ukasi va yollanma ishchini vahshiylarcha oʻldirgan.

Maʼlumotlarga koʻra, u qotillikni puxta rejalashtirgan: u xonalarning tartibini bilgan, oʻzi bilan ikkita qassob pichogʻini olib kelgan. Xabarlarlarga koʻra, u Rossiyada choʻchqachilik ustaxonasida ishlagan, shuning uchun u qanday qilib professional tarzda oʻldirishni bilgan.

Ona va uning ikki yosh bolasi tirik qolgan. Qotil fojiadan bir necha soat oʻtib qoʻlga olingan va hozirda hibsda.

14-dekabr kuni Toshkent viloyat sudi yopiq sud majlisida jinoyat ishi materiallarini koʻrib chiqib, qotilga nisbatan Jinoyat kodeksining yetti moddasi boʻyicha umrbod qamoq jazosi tayinladi.