Bayden Gʻazoda oʻt ochishni toʻxtatish boʻyicha yangi tashabbusga qaramay, Isroilga 680 million dollarlik qurol sotishga rozi boʻldi. U hatto Yaqin Sharqda tinchlikka intilayotganini daʼvo qilgani xabar qilinmoqda.

Chorshanba kungi qurol-yarogʻ kelishuvi haqidagi xabarlar Bayden Isroil va “Hizbulloh” oʻrtasida oʻt ochishni toʻxtatishni eʼlon qilgan va Gʻazoda Isroil hamda HAMAS oʻrtasida shunga oʻxshash kelishuvga erishish boʻyicha saʼy-harakatlarni qayta tiklashga vaʼda berganidan bir kun oʻtib yuz berdi.

“Qurol paketi bir necha oy davomida ishlab chiqilgan va sentyabr oyida Kongress qoʻmitalari tomonidan oldindan koʻrib chiqilgan hamda oktyabr oyida kengroq muhokama qilish uchun taqdim etilgan”, — degan “Reuters” axborot agentligiga ism-sharifi oshkor etilmagan AQSH rasmiysi. “Financial Times” nashri ham hisobotni tasdiqlagan.

Har ikki axborot tashkilotining xabar berishicha, soʻnggi joʻnatma yuzlab kichik diametrli bombalar va minglab qoʻshma toʻgʻridan-toʻgʻri hujum oʻq-dorilari toʻplamlarini oʻz ichiga oladi. Ushbu qurollar “soqov” bombalarni aniq boshqariladigan qurollarga aylantiradi.

Seshanba kuni Isroilni doimiy ravishda qoʻllab-quvvatlagan va AQSHning Isroilga qurol sotishini ittifoqchining muhim yordami sifatida koʻrsatadigan Bayden Oq uyda nutq soʻzlab, Isroil 60 kun ichida Livandan chiqib ketishini koʻrsatadigan AQSH vositachiligida sulh imzolanganini eʼlon qildi. Bu kelishuv chorshanba kuni ertalabdan kuchga kirdi. Murojaat chogʻida Bayden Gʻazoda 2023-yil 7-oktyabrdan beri davom etayotgan janglarni toʻxtatishga yana bir bor vaʼda bergan.

“Yaqin kunlarda Qoʻshma Shtatlar Turkiya, Misr, Qatar, Isroil va boshqa vositachilar bilan Gʻazoda garovga olinganlarni ozod qilish va urushni HAMAS hokimiyatda boʻlmagan holda oʻt ochishni toʻxtatishga erishish uchun yana bir harakat yuzaga kelishi mumkin”, — degan Bayden.

Qurol haqida savollar

“Financial Times” gazetasining xabar berishicha, soʻnggi qurol paketi bir necha demokrat senatorlar tomonidan Isroilga taxminan 20 milliard dollarlik qurol sotishni toʻxtatish uchun kiritilgan qonunchilikning bir qismi sifatida bloklanishi mumkin edi. Biroq, senator Berni Sanders boshchiligidagi guruh bu oyda qarshi ovoz berishmagan.

“Men buni ochiq aytaman qurol va oʻq-dorilarni yetkazib berishda katta kechikishlar boʻlgani hech kimga sir emas. Bu kechikishlar tez orada hal qilinadi. Biz askarlarimiz xavfsizligini taʼminlaydigan va missiyamizni bajarishimiz uchun bizga koʻproq zarba berish imkonini beradigan ilgʻor qurol-yarogʻlarni olamiz”, — dedi Netanyahu AQSH nomini tilga olmasdan milliy murojaatida.

Tramp qaytishidan oldin qoʻllab-quvvatlashning davom etishi

Advokatlarning taʼkidlashicha, Bayden maʼmuriyatining soʻnggi joʻnatmani maʼqullashi 20-yanvarda Oq uyga keladigan Donald Tramp lavozimga kirishgunga qadar prezident siyosatida bir qadar oʻzgarishlar boʻlishini koʻrsatadi. Tahlilchilarga koʻra, Bayden oʻzining hukumatdagi oxirgi kunlarini AQSH qonunlari va xalqaro huquqlarga zid ravishda boshqarmoqda.

Paketda keltirilgan kichik diametrli bombalar va oʻq-dorilar Isroilning Gʻazodagi tinch aholiga uyushtirgan hujumlari bilan bogʻliqligi qayd etilgan.

Tramp 5-noyabrdagi saylovlardan soʻng AQSH Vakillar palatasi va Senatni nazorat qiluvchi Respublikachilar partiyasi bilan lavozimga kirishgach, Xalqaro jinoyat sudiga qarshi koʻproq provokatsion pozitsiyani egallashi va Isroilni umumiy qoʻllab-quvvatlashi kutilmoqda. Trampning milliy xavfsizlik boʻyicha maslahatchisi etib saylangan vakili allaqachon Xalqaro sudga va Birlashgan Millatlar Tashkilotiga yanvar oyida qatʼiy javob berilishini vaʼda qilgan.

Yana boshqa bir Respublikachi senator chorshanba kuni Isroilga safari chogʻida “Isroilga qarshi hibsga olish orderini amalga oshirishga uringan har qanday davlatga sanksiya qoʻyish” qonunini joriy etilishini maʼlum qilgan.