“Bagʻrikenglik haftaligi”ga start berildi

12:08 16 Noyabr 2021 Madaniyat
713 0

BMT Bosh Assambleyasining qaroriga koʻra, 1997-yildan buyon 16-noyabr butun dunyoda “Xalqaro bagʻrikenglik kuni” sifatida nishonlanadi.

Din ishlari boʻyicha qoʻmita axborot xizmati maʼlumotiga koʻra, hozirgi kunda Oʻzbekiston 130 dan ortiq millat va elatlar vakillari uchun umumiy uy hisoblanadi. Mamlakatimizda 16 ta diniy konfessiya faoliyat koʻrsatmoqda. Oʻzbekiston dunyo mamlakatlari uchun bagʻrikenglik borasida namuna boʻlib kelmoqda.

2019-yildan eʼtiboran ushbu sana Oʻzbekistonda haftalik tarzida keng nishonlanib kelinmoqda. 

Bu yil ham ushbu anʼana davom etib, “Maʼrifat va millatlararo bagʻrikenglik” shiori ostida “Bagʻrikenglik haftaligi”ga start berildi. 

Haftalik doirasida turli ilmiy-amaliy konferensiyalar, davra suhbatlari, uchrashuvlar, koʻrgazma va taqdimotlar hamda boshqa madaniy-maʼrifiy tadbirlar oʻtkazilishi rejalashtirilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?