“Avtotransport oldi-sotdi jarayonidagi noqonuniy xatti-harakatlarning oldini olish boʻyicha yangi interaktiv xizmat joriy etiladi” — Akmal Burhonov

17:50 19 Oktyabr 2021 Jamiyat
277 0

Tahlillarga koʻra, respublikadagi 119 ta davlat organi va tashkiloti oʻz tasarrufidagi xizmat avtomototransport vositalari, xizmat uylari va boshqa koʻchmas mulklar toʻgʻrisidagi maʼlumotlarni Ochiq maʼlumotlar portaliga oʻz vaqtida joylashtirilishini taʼminlamagan. 48 tasi esa Portalda shaxsiy kabinet ham ochmagan.

Bu haqda Xalqaro media-xollda “Davlat organlari faoliyatining ochiqligi va shaffofligi: Oʻzbekiston tajribasi va xorij amaliyoti” mavzuida davra suhbatida Korrupsiyaga qarshi kurashish agentligi direktori A. Burhonov maʼlum qildi.

Taʼkidlanishicha, ochiq joylashtirilishi kerak boʻlgan maʼlumotlar koʻlamini kengaytirish borasida Buyuk Britaniya, Fransiya, Rossiya, Sloveniya, Singapur va Qozogʻiston kabi oʻnga yaqin rivojlangan xorijiy mamlakatlarning bu boradagi ijobiy ish tajribasi oʻrganilib, amaliyotga tatbiq etish choralari koʻrilmoqda.

Masalan, “avtomobil tarixi” toʻgʻrisidagi maʼlumotlarni avtomototransport vositasining davlat raqami belgilarini kiritish orqali aniqlash elektron interaktiv xizmatini joriy etish rejalashtirilgan. Bu ikkilamchi bozorda avtotransport oldi-sotdi jarayonlarida turli noqonuniy xatti-harakatlarni oldini olishga xizmat qiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?