Asila Mirzayorova Paralimpiya oʻyinlari rekordini oʻrnatdi (+video)
Fransiya poytaxti Parij shahrida oʻtkazilayotgan XVII Paralimpiya oʻyinlarida hamyurtlarimiz oʻz yurishlarini davom ettirmoqda.
Paralimpiya oʻyinlarining yengil atletika boʻyicha ayollar musobaqasi davom etmoqda. T 11 klassida uzunlikka sakrash bahsida ishtirok etayotgan hamyurtimiz Asila Mirzayorova dastlabki urinishidayoq 5,22 metr natija qayd etib, ushbu yoʻnalishda Paralimpiya oʻyinlari rekordini oʻrnatdi.
Asila 2023-yilda Fransiyaning Parij shahrida para yengil atletika boʻyicha jahon chempionatida oltin medalni qoʻlga kiritgan edi. Shuningdek, Mirzayorova “Tokio-2020” yozgi Paralimpiya oʻyinlari kumush medal sohibi hisoblanadi.
Maʼlumot uchun aytish kerakki, Asila Ubaydulla qizi Mirzayorova 1999-yil 3-iyulda Qashqadaryo viloyati Qarshi shahrida tavallud topgan. Asila uzunlikka sakrash boʻyicha Oʻzbekiston terma jamoasi aʼzosi hisoblanadi.
Avvalroq, oʻzbekistonlik paralimpiadachilar musobaqanining birinchi kunini 2 ta medal bilan boshlagandi.
Tavsiya etamiz
Ko‘p o‘qilganlar
- Ehtiyojmand oilalarga elektr va gaz boʻyicha kompensatsiya beriladi
- Tanzila Narbayeva Parlamentlararo ittifoqning 150-yubiley assambleyasi Prezidenti etib saylandi
- Toshkentda Parlament ayol aʼzolari forumining 39-sessiyasi boʻlib oʻtdi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Bahodir Jalolov professional boksda ilk bor toʻliq 10 raund jang oʻtkazdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring