Asakada tut plantatsiyasi kengaymoqda
Saminjon HUSANOV/“Xalq soʻzi”. Andijon viloyatida pillachilikdan yiliga bir necha marotaba hosil olish yoʻlga qoʻyilgan. Ushbu sohaning taraqqiy topishi ozuqa bazasini yanada mustahkamlashga boʻlgan ehtiyojni oshirmoqda. Shu bois Asaka tumanidagi adirlik hududidan 30 gektar maydonda tut plantatsiyasini barpo etishga kirishildi. “Asaka ipak impeks” pillachilik klasteri tomonidan olib borilayotgan koʻchat ekish ishlari oʻzgacha uslubda amalga oshirilmoqda.
— Biz koʻchatni ekib boʻlgach, tag qismidan kesib tashlayapmiz, — deydi klaster rahbari Mashrabjon Isoqov. — Shundan soʻng uni plyonka ostiga olyapmiz. Shu tarzda koʻkartirilgan koʻchat tez rivojlanib, moʻl hosil beradigan boʻladi. Plantatsiya adirlikda joylashganligi bois koʻchatlar tomchilatib sugʻoriladi.
Ayni paytda Asaka tumanining oʻzida 305 gektar maydonda tut koʻchatlari baravj rivojlanmoqda. Buning uchun bahorgi agrotexnik tadbirlar oʻz vaqtida amalga oshirilyapti.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Tadbirkorlar yangicha yondashuvlar asosida qoʻllab-quvvatlanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring