Arxiv foto

AQSH Kongressi vakillar palatasi aʼzosi Marjori Teylor-Grin Ukrainadagi mojaroga barham berishga chaqirdi.

“Ukrainadagi mojaro har doim pul yuvish operatsiyasi va Rossiyaga qarshi proksi urush boʻlib kelgan, davlat tomonidan chuqur moliyalashtiriladi va nazorat qilinadi”, deydi u.

Grinning taʼkidlashicha, Zelenskiy Ukrainada saylovlarni bekor qilish va soʻz erkinligini yoʻq qilish bilan birga hammadan pul undiradi. Boz ustiga, Kiyev rejimi rahbari ukrainalik erkaklarning butun bir avlodini deyarli yoʻq qilgan mojaro olib bormoqda.

“Men hech qachon bu urushni moliyalashtirish uchun ovoz bermaganman va buni hech qachon qilmayman ham. U tugashi kerak”, — deydi kongressmen.

Bir kun avval AQSH prezidenti Donald Tramp Zelenskiyni “diktator” deb atab, u saylov oʻtkazishdan bosh tortishini aytgandi.

Shuningdek, Oq rahbari Ukrainada umumxalq ovoz berishni oʻtkazish zarurligini qoʻllab-quvvatlab, Kiyev rejimining amaldagi rahbarini aholi orasida qoʻllab-quvvatlash darajasi pastligiga ishora qildi. Shu oʻrinda Tramp Ukrainada oxirgi saylovlardan beri “koʻp vaqt oʻtganini” eslatdi. Shuningdek, u yangi prezidentni saylash masalasi Rossiyaning talabi emasligini taʼkidladi.