Andijonlik fuqaro daryoga qoʻlbola koʻprik qurib, aholidan oʻtish uchun pul olgan
Andijon viloyatida aholini pul evaziga daryodan oʻtkazish bilan shugʻullangan fuqaro jazolandi. Bu haqda Buloqboshi tumani hokimligi matbuot xizmati xabar berdi.
Qayd etilishicha, iyul oyida yuz bergan tabiiy ofat tufayli hududdagi Aravonsoy koʻprigi yaroqsiz holga kelib qolgan.
Biroq, 10-oktyabr kuni Bozorboshi mahallasida yashovchi, 35 yoshli, muqaddam sudlangan fuqaro ikkita yogʻochdan vaqtinchalik koʻprik yasab, ming soʻm xizmat haqi evaziga odamlarni oʻtishini tashkil qilgan.
Uning bu harakati oʻrganilgan va sudda koʻrib chiqilgan. Sud hukmi bilan fuqaro Maʼmuriy javobgarlik toʻgʻrisidagi kodeksning 183-moddasi (Kichik bezorilik) va 200-moddasi (Oʻzboshimchalik) boʻyicha aybdor, deb topilib, 7 kunlik maʼmuriy qamoqqa hukm qilindi.
Xabarga aytilishicha, ushbu voqeadan soʻng Aravonsoy koʻprigida qurilish va taʼmirlash ishlari boshlab yuborilgan.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring