Andijonda yangi gaz qudug‘i aniqlandi

00:13 10 Oktyabr 2021 Iqtisodiyot
837 0

Illyustrativ foto

Andijon viloyatida yangi gaz quduqlarini o‘rganish ishlari o‘zining ijobiy samarasini bera boshladi. Jumladan, Andijon tumanidagi Xrabek qishlog‘ida yangi quduq ochildi.

Tuman hokimligi Matbuot xizmati tomonidan maʼlum qilinishicha, quduqni o‘rganish ishlari 2019 yilning 4 aprel kunidan boshlangan. “Jizzakh-Petroleum” MCHJning Andijon hududiy ishlab chiqarish korxonasi tomonidan boshlangan ishlar natijasida quduqdan 2020 yil 2 may kuni sanoatbop gaz oqimi olingan. 2020 yil 14 may kuni bu yerda o‘zlashtirish ishlari yakunlangan. Joriy yilning 8 oktyabr kuni ushbu manzilda qayta o‘zlashtirish ishlari boshlandi va 2490-2476 metr intervalda zamonaviy texnologiya qo‘llanilib, qayta o‘zlashtirish ishlari natijasida sanoatbop gaz  oqimi olindi.

Hozirda gaz miqdori hamda tarkibini o‘rganish ishlari olib borilmoqda.

Saminjon HUSANOV, “Xalq so‘zi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?