Foto: Халқ сўзи

Yigʻilishda yuzaga kelgan vaziyatni normallashtirish boʻyicha aniq chora-tadbirlar koʻrib chiqildi. Jumladan:

— tovar gaz yetkazib berish hajmini sutkasiga 5 million kub metrga oshirish;

— 2023-yil 1-martga qadar davlat idoralari tasarrufidagi siqilgan gazda harakatlanadigan avtomobillardan foydalanishni taqiqlash, ularni benzinga oʻtkazish;

— xorijiy davlatlar bilan qoʻshimcha tabiiy gaz, elektr energiyasi, koʻmir, mazut xarid qilish boʻyicha muzokaralarni jadallashtirish;

— 2 oy muddatga AI-80 benzini importi uchun aksiz soligʻi va uni chakana sotish uchun aksiz soligʻini hisoblash va undirishni toʻxtatib turish;

— birja sotuvlariga qoʻyilayotgan AI-80 benzining kunlik hajmini oshirish;

— AI-80 benzini narxining asossiz oshirilishiga yoʻl qoʻymaslik, narx oshishi boshlangʻich narxning 5 foizidan ortiq boʻlmasligini taʼminlash;

— barcha ishlab chiqaruvchilar va treyderlarga suyultirilgan gazni eksport qilish taqiqlanadi;

— tabiiy gaz yetkazib berish imkoniyati mavjud boʻlmagan hollarda aholiga suyultirilgan gaz yetkazib berishga ruxsat beriladi;

— Suv xoʻjaligi vazirligi tizimidagi nasos stansiyalariga elektr energiyasi yetkazib berishga oʻrnatilgan vaqtincha cheklovlar yil yakuniga qadar uzaytirildi;

— benzin va dizel yoqilgʻisi ishlab chiqarish uchun xomashyo hamda tayyor benzin importi oshiriladi;

— birjada AI-80 benzini savdosiga vositachi kompaniyalarning ishtirok etishiga yoʻl qoʻyilmaydi.