Afgʻoniston bilan qoʻshni davlatlar tashqi ishlar vazirlarining uchrashuvi boʻlib oʻtdi

18:03 08 Sentyabr 2021 Siyosat
744 0

2021-yil 8-sentyabr kuni Afgʻoniston bilan qoʻshni davlatlar tashqi ishlar vazirlarining uchrashuvi videokonferensaloqa shaklida boʻlib oʻtdi. Bu haqda TIV xabar berdi.

Pokiston Tashqi ishlar vaziri Shoh Mahmud Qurayshiy raisligida oʻtkazilgan yigʻilishda Xitoy Tashqi ishlar vaziri Van I, Eron Tashqi ishlar vaziri Husayn Amir Abdullohiyon, Tojikiston Tashqi ishlar vaziri Sirojiddin Muhriddin, Oʻzbekiston Tashqi ishlar vaziri Abdulaziz Kamilov va Turkmaniston Tashqi ishlar vaziri oʻrinbosari Vepa Xadjiyev ishtirok etdi.

Uchrashuv qatnashchilari Afgʻoniston suvereniteti, mustaqilligi va hududiy yaxlitligini qoʻllab-quvvatlashini, shuningdek, tinchlik, xavfsizlik, milliy yarashuvni taʼminlash, Afgʻonistonning ichki ishlariga aralashmaslik va barqaror rivojlanish tamoyillari tarafdori ekanligini bildirib, mamlakat kelajagi oʻz xalqi tomonidan belgilanishi kerakligini qayd etdilar.

Taʼkidlanganidek, barqaror, tinch va farovon Afgʻoniston butun koʻp millatli afgʻon xalqi va jahon hamjamiyati manfaatlariga javob beradi.

Afgʻoniston bilan barqaror xalqaro aloqalar, ayniqsa, uning gumanitar rivojlanish ehtiyojlarini qoʻllab-quvvatlash muhimligi taʼkidlandi.

Umumiy muammolarni hal etishhamda tinchlik, xavfsizlik, barqarorlik, mintaqaviy oʻzaro bogʻliqlik va iqtisodiy integratsiyani qoʻllab-quvvatlashmaqsadida qoʻshni davlatlar oʻrtasidagi hamkorlik hamdayaxshi qoʻshnichilik munosabatlarini yanada mustahkamlashga intilish uchun birgalikda harakat qilish zarurligi taʼkidlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?