Foto: Adliya vazirligi

Prezident Shavkat Mirziyoyevning tegishli qarori bilan Rabiyev Sherzod Mirjalilovich boshqa ishga oʻtishi munosabati bilan adliya vaziri oʻrinbosari lavozimidan ozod etildi. Shuningdek, davlat rahbarining tegishli qarori bilan Allakuliyev Mirjalol Davranbekovich Adliya vazirining oʻrinbosari lavozimiga tayinlandi. Bu haqda vazirlik matbuot xizmati xabar berdi.

Mirjalol Allakuliyev 1988-yilda Xorazm viloyati, Xiva tumanida tugʻilgan. Maʼlumoti oliy, huquqshunos, 1-darajali adliya maslahatchisi. 2012-yilda Toshkent davlat yuridik institutini bakalavr bosqichini, 2014-yilda magistratura bosqichini, 2024-yilda Bank-moliya akademiyasining magistratura bosqichini tamomlagan.

U mehnat faoliyatini 2008-yilda Adliya vazirligi rahbariyat qoshidagi apparatning qabulxona kotibi lavozimida boshlagan.

• 2013-2014-yillarda Adliya vazirligi Jinoiy, maʼmuriy va ijtimoiy qonunchilik boshqarmasi 1-toifali ish yurituvchi kotibi, katta maslahatchisi, yetakchi maslahatchisi;

• 2014-2017-yillarda Adliya vazirligi Jinoiy, maʼmuriy va ijtimoiy qonunchilik boshqarmasi bosh maslahatchisi;

• 2017-2018-yillarda Adliya vazirligi Jinoiy, maʼmuriy va ijtimoiy qonunchilik boshqarmasi boʻlim boshligʻi;

• 2018-2018-yillarda Adliya vazirligi Jinoiy, maʼmuriy va ijtimoiy qonunchilik boshqarmasi boshligʻi oʻrinbosari-boʻlim boshligʻi;

• 2018-2021-yillarda Adliya vazirligi Jinoiy, maʼmuriy va ijtimoiy qonunchilik boshqarmasi boshligʻi;

• 2021-2022-yillarda Adliya vazirligi Qonunchilik bosh boshqarmasi boshligʻi lavozimida;

• 2022-yildan to bugungi tayinlovga qadar Adliya vazirligi Qonunchilik departamenti boshligʻi lavozimida faoliyat koʻrsatgan.