2022-yilda Orol dengizining 200 ming gektariga ekin ekish rejalashtirilgan
Foto: Illustrativ foto
Orol dengizi tubida 200 ming gektar maydonga “yashil qoplama” ekiladi. Bu haqda Oʻrmon xoʻjaligi davlat qoʻmitasi vakillari AOKAda boʻlib oʻtgan matbuot anjumanida maʼlum qildi.
Qayd etilishicha, 2022-2026-yillarda Orol dengizining qurigan tubi va Orolboʻyida jami 1 million gektar maydonda oʻrmon plantatsiyalarini yaratish, shundan 200 ming gektarini 2022-yilda tashkil etish rejalashtirilgan.
Bugungi kunga qadar 700 tonna dasht oʻsimliklari urugʻi yigʻilib, 18 ming gektar maydonda “yashil maydonlar” barpo etildi. Urugʻlarni yigʻish va ekish ishlari davom etmoqda.
Oʻrmon xoʻjaligi ilmiy-tadqiqot instituti tomonidan daraxt va butalar, ularni koʻkalamzorlashtirish maqsadida ekish boʻyicha tavsiyalar ishlab chiqilib, hayotga tatbiq etildi. Tavsiyalarga koʻra, Qoraqalpogʻiston, viloyatlar va Toshkent shahrining tuproq-iqlim sharoitidan kelib chiqib, manzarali va mevali daraxtlardan qaragʻay, yapon saforasi, tol, terak, chinor, kashtan, joʻka, eman, akatsiyalar ekiladi.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring