“Osiyo taraqqiyot banki va Osiyo infratuzilmaviy investitsiyalar banki ishtirokida “Oʻzbekiston Respublikasida koronavirus COVID-19 infeksiyasiga qarshi shoshilinch choralarni koʻrish” loyihasini amalga oshirish chora-tadbirlari toʻgʻrisida”gi Prezident qarori qabul qilindi

Qaror bilan “Oʻzbekiston Respublikasida koronavirus COVID-19 infeksiyasiga qarshi shoshilinch choralarni koʻrish” loyihasining maqsadli koʻrsatkichlari tasdiqlandi.

Unga koʻra, jumladan:

➖ Xalqaro standartlarga javob beruvchi 7 ta Milliy referens laboratoriya yaratiladi;

➖ Sanitariya-epidemiologiya xizmatining markaziy apparati, hududiy boshqarmalari, tuman (shahar) boʻlimlarida faoliyat yuritayotgan 17 ming 554 nafar xodimning malakasi oshiriladi;

➖ 475 ta sanitariya-epidemiologiya xazmati muassasalari rekonstruksiya qilinadi, kapital taʼmirlanadi va jihozlanadi;

➖ COVID-19 infeksiyasini aniqlash uchun test hajmi amaldagi koʻrsatkichga nisbatan koʻpaytirilib, 500 mingta test sinovlari oʻtkaziladi;

➖ respublikada tez tibbiy yordam xizmatining moddiy-texnik bazasini yana-da mustahkamlash uchun 2021-yil 1-oktyabrga qadar 1 000 ta tez tibbiy yordam maxsus avtotransport vositalari xarid qilinadi.