Toshkent besh tashabbus harakati davomidagi ochiq muloqot davomida ishtirokchilardan biri Bosh vazir oʻrinbosariga yuzlanib, tarixiy yoʻnalish bilan bir qatorda ekoturizmni ham rivojlantirish taklifini berdi. Bu mamlakatga qoʻshimcha mablagʻlarni jalb qilish imkonini beradi. Jarayon haqida “Xalq soʻzi” muxbiri xabar berdi.

– Yana bir taklifim bor, – dedi ishtirokchi yigit. – Sayyohlar Samarqanddan Buxorogacha boʻlgan yoʻlda sakkizta tumanni bosib oʻtishadi. U yerda siz agroturizmni rivojlantirishingiz mumkin. Masalan, sayyohlarni uzum terish jarayonlarida qatnashishga yuborsa boʻladi. Bunday yoʻnalishlar chet ellarda bor, – deydi yigit bu Oʻzbekistonda ham ommalashib ketishiga ishonch bildirarkan. Uchinchi taklif, ushbu yoʻnalishga qiziqqan xorijiy olimlarni jalb qilish imkonini beradigan ilmiy turizmni rivojlantirish haqida boʻldi.

Bunga javoban, Turizm va sport vaziri taklif muallifidan “Agar biz sizni vazirlikka ishga taklif qilsak, rozi boʻlasizmi?”, deb soʻradi va takliflar uchun unga minnatdorlik bildirdi. Aziz Abduhakimov bu istiqbolli yoʻnalishlar ekani va berilgan takliflarni yuz foiz qoʻllab-quvvatlashini bildirdi.