“Namangan suv taʼminoti” MCHJ axborot xizmati Namangan shahri, Uychi va Namangan tumanlari aholisi hamda korxona, tashkilot rahbarlariga ogohlantirish bilan chiqdi.

Xabarga koʻra, 2021-yil yoz mavsumiga tayyorgarlik koʻrish maqsadida viloyat hokimligi bilan kelishilgan tadbirlar rejasiga muvofiq Namangan shahri, Uychi va Namangan tumanlari hududlarini ichimlik suvi bilan taʼminlovchi “Jiydakapa-Namangan” 1-2-3 magistral suv quvurlarida mavjud nosozliklarni bartaraf etish ishlari olib borilishi munosabati bilan 2021-yil 9-mart tungi 02:00 dan 11-mart soat tungi 02:00 gacha “Jiydakapa” inshootidan ichimlik suvi berish toʻxtatiladi.

Nosozliklarni bartaraf etish jarayonida Namangan shahrining “Janubiy aylanma yoʻli”, Boburshoh, Margʻilon va ularga tutash koʻchalarda, Yangi qurilish, Yangi hayot, Barkamol avlod, Yakkatut, Objuvoz, Sohibkor, Qadamjoy, Lola mahallalarida, Uychi koʻchasidagi koʻp qavatli uylarda, Uychi tumanining Jiydakapa, Oʻnxayat, Mashad, Namangan tumanining Qurama, Eshobod, 1-2-Qumqoʻrgʻon, Neʼmatjon, Gʻalcha, Qoʻqonqishloq, Xonobod qishloqlarida ichimlik suvi taʼminoti vaqtincha toʻxtatiladi.

“Isteʼmolchilardan avvaldan uzr soʻragan holda ichimlik suvi zaxirasini yaratib qoʻyishlarini soʻraymiz”, deyiladi xabarda.