Milliy kutubxona yaqinidagi koʻchalar transport harakati uchun 5 kunga yopiladi
Toshkent shahridagi Milliy kutubxona yaqinidagi 3 ta koʻchada transport vositalari harakati vaqtincha cheklanadi. Bu haqda shahar hokimligi axborot xizmati xabar berdi.
Qayd etilishicha, ekologik tarbiya, tabiatni muhofaza qilish va “yashil iqtisodiyot” tamoyillarini targʻib etish maqsadida poytaxtda “Toshkent gullari” festivali boʻlib oʻtadi. Festivalning asosiy tadbirlari Oʻzbekiston Milliy kutubxonasining old maydonida tashkil qilinadi.
Shu munosabat bilan 29-apreldan 3-maygacha quyidagi hududlarda transport vositalari harakati cheklanadi:
- Zarafshon koʻchasining “Hyatt Regency Tashkent” mehmonxonasi qoʻriqlash punkti va Matbuotchilar koʻchalari oraligʻidagi qismi;
- Istiqlol koʻchasining A.Temur va Buyuk Turon koʻchalari oraligʻidagi qismi;
- Buyuk Turon koʻchasining Istiqlol koʻchasi kesishmasidan Yoshlar ijod saroyigacha boʻlgan qismi.
“Koʻrsatilgan davr ichida muqobil yoʻllardan foydalanishingizni tavsiya qilamiz”, deyiladi xabarda.
Tavsiya etamiz
Ko‘p o‘qilganlar
- Milliy sertifikat imtihoni natijalari 21 ish kuni ichida e’lon qilinadi — Bilimni baholash agentligi
- Yana bir bozor auksionga qoʻyildi
- Ichki ishlar vaziri Buxoro viloyati IIBning 10 ga yaqin rahbarini ishdan boʻshatdi
- Oʻzbekiston pasporti xalqaro indeksda past natija qayd etdi
- Yangi hafta avvalida qanday ob-havo kuzatilishi maʼlum qilindi
- “Qutadg‘u bilig” dostoni qo‘lyozmasining faksimile nusxasi yaratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring