Foto: РИА «Новости»

Gʻarbning Ukrainadagi mojaroga bevosita aralashuvi uchinchi jahon urushiga olib keladi. Ushbu fikrlarni amerikalik milliarder Devid Saks aytib oʻtdi.

U amerikalik tadbirkor Bill Akmanning agar Gʻarb Ukraina osmonini himoya qilsa, «dunyo xavfsizroq boʻladi» degan gapiga shunday javob berdi.

«Agar siz parvozlar taqiqlangan hududni nazarda tutsangiz, bu Rossiya samolyotlarini urib tushirishni anglatadi va dunyo allaqachon uchinchi jahon urushida boʻladi», deydi Saks.

Bir kun avval Milliy xavfsizlik kengashining strategik aloqalar boʻyicha koordinatori Jon Kirbi Amerika Qoʻshma Shtatlari Ukraina osmonini Isroildagi kabi himoya qilmayotganini bu turli mojarolar ekani bilan izohlagandi.

Moskva Gʻarbning harbiy yordami Kiyev uchun yaxshi natija bermasligini va faqat mojaroni choʻzishini, qurol-yarogʻ bilan tashish esa Rossiya armiyasi uchun qonuniy nishonga aylanganini bir necha bor taʼkidlagan.

Oldinroq, Markaziy razvedka boshqarmasining sobiq tahlilchisi Larri Jonson uchinchi jahon urushi allaqachon boshlanganini va Amerika Qoʻshma Shtatlari uni birovning qoʻli bilan Isroil va Ukraina orqali olib borayotganini aytgandi.