Фото: Халқ сўзи

Фарғона вилоят ахборот-кутубхона марказида Маънавият ва маърифат маркази вилоят бўлими ҳамда масъул ташкилотлар ҳамкорлигида ўтказилган «Ватан тараққиётига менинг ҳиссам» танловида шаҳар ва туманлардан юз нафарга яқин йигит-қизлар иштирок этди.

Танловда 15 ёшдан 30 ёшгача бўлган иштирокчилар тасвирий ва амалий санъат, адабиёт ва публицистика, миллий мақом ва миллий эстрада йўналишларида ўз истеъдоди ҳамда маҳоратларини яна бир бор синовдан ўтказдилар.

— Президентимиз ташаббуси билан ёшлар маънавиятини юксалтириш ва уларнинг бўш вақтини мазмунли ташкил этиш бўйича Беш муҳим ташаббус доирасида ўтказилаётган ушбу танлов янги истеъдодларни кашф этмоқда, - дейди Маънавият ва маърифат маркази Фарғона вилоят бўлими раҳбари Маъсуджон Сулаймонов. — Ҳакамлар ҳайъати хулосасига кўра, Риштон туманидан Сарвиноз Абдуманнонова тасвирий ва амалий санъат, қўштепалик Абдулазиз Абдуҳошимов адабиёт ва публицистика, Қува тумани вакили Мухтасар Ҳожимуродова миллий мақом ва эстрада йўналишида биринчи ўринга муносиб кўрилди.

Танловнинг вилоят босқичи ғолибларига диплом ва эсдалик совғалари топширилди.

Ботир Мадиёров, «Халқ сўзи».