Фото: Алихан Утарбеков/"Халқ сўзи"

Таниқли адиб Хуршид Дўстмуҳаммад табаррук 70 ёшни қаршилади.

Ёзувчи замонавий ўзбек адабиётининг кўзга кўринган вакилларидан бири саналади. Унинг “Бозор” романи, “Нигоҳ”, “Паноҳ” каби қиссалари, “Жажман” ва бошқа ҳикоялари адабий жамоатчилик томонидан ўзбек насрининг ютуқлари сифатида юксак баҳоланган.

“Жимжитхонага йўл”, “Беозор қушнинг қарғиши”, “Жим ўтирган одам” ҳикоялари адибнинг кейинги йиллар ижодида янги саҳифа очди. “Қичқириқ” (2014) тўплами, “Донишманд Сизиф” (2016) романи адабиётимизда яратилган жиддий, етук асарлар сифатида эътироф этилди.

Хуршид Дўстмуҳаммад Олий Мажлис Қонунчилик палатаси депутати сифатида ҳам халқимизга хизмат қилиб келмоқда.

Серқирра ижодкор нафақат ёзувчи, балки қалами ўткир публицист, “Халқ сўзи” ва “Народное слово” газеталарининг доимий муаллифи ҳамдир. Унинг долзарб мавзулардаги материаллари газеталаримизда мунтазам чоп этиб келинади. Таҳририятимиз жамоаси севимли адибимизга мустаҳкам сиҳат-саломатлик, янги-янги ижодий муваффақиятлар тилайди.

“Халқ сўзи”.