Сурхондарёда чигит экиш мавсумига старт берилди
Сурхондарёликлар катта тараддуд ва эзгу ниятлар билан чигит экишга киришдилар. Шу муносабат билан Ал-Ҳаким ат-Термизий мажмуасида эҳсон тадбири ўтказилиб, унда вилоят ва туман ҳокимлари, қишлоқ хўжалиги соҳаси вакиллари, фермерлар, кластер раҳбарлари ҳамда нуронийлар иштирок этди.
Тадбирда қишлоқ хўжалигини қўллаб-қувватлаш юзасидан амалга оширилаётган ишлар, жумладан, субсидия ва имтиёзлар ҳақида атрофлича маълумотлар берилди.
Жорий йилда вилоятда 62,8 минг гектардан ортиқ майдонга чигит экиш режалаштирилган.
— Бугун вилоятда якка қаторда экиш усулидан тўлиқ воз кечдик, — дейди вилоят ҳокимлиги қишлоқ ва сув хўжалиги котибияти мудири Зафар Жумаев. — Барча майдонларда қўшқатор Шинжон усули жорий этилди. Экинлар томчилатиб суғорилади. Хориждан сифатли уруғлар келтирилди. Илгари гектаридан 30–35 центнер ҳосил олган бўлсак, бу йил 60–70 центнерга етказишни мақсад қилганмиз,
Жануб миришкорлари бу йил ҳам республикада биринчилардан давлатга пахта топшириш режасини ортиғи билан бажаришни мақсад қилишган.
Фарҳод ЭСОНОВ, «Халқ сўзи».
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Президент раислигида видеоселектор йиғилиши бошланди
- АҚШ Ҳўрмуз бўғозида кемаларни кузатиб боришни бошлаши мумкин
- 14 март куни кузатиладиган об-ҳаво прогнози эълон қилинди
- Қийинчиликларда тобланган, ички куч ва оғриқларни жиловлай олган — «Инсон»
- Тошкент вилоятида Абдулла Орипов уй-музейи очилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг