Сардобада супурги экспорт қилинмоқда
Сардоба туманидаги бир неча маҳаллада супурги етиштириш ҳамда ундан хонадонларда тайёр маҳсулот ишлаб чиқариш мазкур ҳудудлар аҳолисининг драйвер фаолият турига айланган бўлиб, бу иш билан айни вақтда 6 минг киши шуғулланяпти.
Маълум қилинишича, бу йил туман бўйича 830 гектар майдонда ана шу ўсимлик ўстирилди.
— Маҳалладошларимиз супургини ўзлари ўстириб, ўзлари тайёр маҳсулотга айлантиряпти, — дейди “Равот” маҳалла фуқаролар йиғини раиси Ғуломжон Ўсаров. — Бу эса аҳолининг доимий фойдали меҳнат билан бандлигини таъминлаши баробарида даромаднинг мўмай бўлишини ҳам таъминлаётир. Шуни мамнуният билан айтаманки, туманимизда тайёрланаётган супургиларнинг бозори тобора кенгайиб бормоқда. Эндиликда ушбу озодалик воситаси Тожикистон ва Қозоғистонга ҳам экспорт қилинмоқда.
Супургининг навига ҳам алоҳида эътибор қаратилиб, мана бир неча йилдирки, туманда асосан унинг эртапишар ва ноёб қизил супурги турлари ўстирилаётир.
Аҳмадали ШЕРНАЗАРОВ
«Халқ сўзи».
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкент вилоятида Абдулла Орипов уй-музейи очилди
- Лойиҳаолди ва харид ҳужжатларини комплекс экспертиза қилиш тизими самарадорлиги оширилади
- «Ўзгидромет» шошилинч огоҳлантириш эълон қилди
- Тоғ-кон саноатидаги йирик инвестиция лойиҳаларини жадаллаштириш чора-тадбирлари муҳокама қилинди
- Фарғонада Наврўз: тинч-осойишта ҳаёт завқи, дориламон кунлар шукронаси...
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг