Самарқанд клуби ЦСКАни мағлуб этди
Шу кунларда Самарқанднинг «Динамо» жамоаси Бирлашган Араб Амирликларида ўқув-машғулот йиғини ўтказмоқда. Кеча жамоа Россия Премьер лигасининг 6 карра чемпиони Москва шаҳрининг ЦСКА клуби билан ўртоқлик ўйини ўтказди. Баҳс Вадим Абрамов шогирдларининг 4:3 ҳисобидаги ғалабаси билан якунланди.
Голларга ғолиблардан Нурилло Тўхтасинов, Азизбек Амонов, Санжар Қодирқулов ва Аҳаджон Ҳошимов муаллифлик қилди. ЦСКА клубининг жавоб голлари эса Жоао Виктор, Лусиано Гонду ва Матвей Лукин ҳисобига ёзилди.
Учрашувдан сўнг «Динамо» устози Вадим Абрамов қуйидаги фикрларни билдириб ўтди:
«Россиянинг 6 карра чемпионига қарши суперкамбэк? Ҳа, ҳаммаси яхши кечди, айниқса ҳар бир футболчига имконият беришга интилдик. Бошида ўз кучимизга унча ишонмадик, кейин эса ўйин тизгинини қўлимизга олгач, ишона бошладик. Майдонда ўз ўйинимизни кўрсатдик. Рақибнинг эса кучли томони стандарт вазиятлар эди, буни йигитларга тушунтиргандик. Шунга қарамай, рақиблар бу устунликларидан фойдаланиб, гол уришди».
Тавсия этамиз
Кўп ўқилганлар
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг