Қурбоновнинг генерал Кириллов ва унинг ҳайдовчиси қотиллигига алоқадорлиги гувоҳларнинг кўрсатмалари билан тасдиқланган. Бу ҳақда «ТАСС» иш материалларига асосланиб хабар берди.

Аҳмад Қурбонов 2024 йил 18 декабрь куни соат 07:50 да Россия Федерацияси Жиноят-процессуал кодексининг 91-92-моддаларига асосан қўлга олинган.

У қуйидаги моддалар билан айбланмоқда:

205-модда, 3-қисм, «Б» банди (террористик ҳужум);

222.1-модда, 4-қисм (ноқонуний эгаллаш, ўтказиш, сақлаш ва ташиш);

223.1-модда, 3-қисм (портловчи қурилмаларни ноқонуний ишлаб чиқариш ёки ўзгартириш).

19 декабрь куни Москванинг Басманний суди Қурбоновни 2025 йил 17 февралгача ҳибсда сақлашга қарор қилди. Суд, тергов органлари томонидан тақдим этилган далил ва ҳужжатларни ишончли деб топди.

Ҳозирда Россия ва Ўзбекистон махсус хизматлари генерал Кирилловнинг ўлдирилишига алоқадор бошқа шахсларни аниқлаш устида иш олиб бормоқда.