Архив фото

АҚШ президенти Дональд Трамп шу ой Россия раҳбари Владимир Путин билан эҳтимолий учрашувини маълум қилди. Шунингдек, у Украина президенти Владимир Зеленскийни Москванинг босқини учун айбдорликда кўрсатди.

Сешанба куни АҚШ ва Россия расмийлари Саудия Арабистонида Украинадаги урушни тугатиш бўйича учрашувнинг биринчи босқичи бўлиб ўтди. Шундан сўнг Трамп журналистларга Киевнинг Россия урушни тугатишга чек қўядиган музокараларда қатнашишдан бош тортгани ҳақидаги шикоятларини рад этган.

«Менимча, бу урушни тугатиш учун кучим бор ва бу жараён яхши кетмоқда. Музокараларга бизни таклиф қилмади, деган хабарлар эшитяпман. Уч йилдан бери шу уруш ичидасиз. Тугатсангиз тугатар эдингизда шу вақтгача. Россия бирор янгилик қилишни хоҳлайди. Улар ваҳшийликни тугатмоқчи», — дейди Трамп.

Америка Қўшма Штатлари етакчиси Ар-Риёддаги учрашувдан кейин келишувга эришишга анча ишонганини айтди. АҚШ Давлат департаментига кўра, томонлар амалий ишни бошлаш учун юқори даражадаги гуруҳларни тузишга келишиб олдилар.

Трампнинг юқоридаги баёнотлари Зеленскийнинг Вашингтон ва Москва келишувини тан олмаслиги ҳақидаги чиқишларидан сўнг янгради. У бу фикрларини Туркия президенти Режеп Таййип Эрдоған билан кўришганда ҳам таъкидлаган.

Европа Трамп битим тузиш учун Москвага кенг имтиёзлар беришга мойиллигидан хавотирда. Буюк Британия Бош вазири Кир Стармер Украинага тинчликпарвар қўшинларни юборишга тайёрлигини айтди. Франция президенти Эммануэль Макрон эса чекланган миқдордаги ҳарбийларни уруш ҳудудидан ташқаридаги манзилларга жўнатишни ўйлаяпти.

Душанба куни Парижда Европа давлатлари етакчилари учрашуви қониқарли натижа кўрсатмаганлиги сабабли иккинчи учрашувни ташкиллаштириш режа қилинмоқда.