Роналду фаолиятини қаерда давом эттиришига ойдинлик киритилди
Архив фото
Саудия Арабистонининг «Ал-Наср» клуби ва Португалия терма жамоаси ҳужумчиси Криштиану Роналду фаолиятини қаерда давом эттиришига аниқлик киритилди.
“Arriyadiyah” нашрининг хабар беришича, Саудия клуби футболчи билан шартномани узайтиришга келишиб олган. Келишув 2026 йилгача мўлжалланган бўлиб, шартнома шартлари ўзгаришсиз қолган. Амалдаги шартномага кўра, Роналду йилига 200 миллион евро олаётган эди.
Футболчининг жамоа билан амалдаги шартномаси 2024/25 йилги мавсум охиригача амал қилади. Аввалроқ ОАВ томонлар шартномани узайтиришга келишиб олгани ҳақида хабар берган эди. Янги шартнома шартларига кўра, Роналду клубнинг 5 фоиз акцияси эгасига айланади.
Роналду фаолиятининг асосий қисмини 2009-2018 йиллар давомида Испаниянинг «Реал Мадрид» жамоасида ўтказган. Клуб билан бирга у икки марта Испания чемпионлигини қўлга киритди, икки марта мамлакат кубоги соҳибига айланди, шунингдек, тўрт марта Чемпионлар лигасида ғолиб чиқди.
2023 йилнинг январида Роналду «Ал-Наср» жамоаси ҳужумчисига айланганди.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Илм-фан соҳасида хотин-қизларга яратилган имкониятларга бағишланган анжуман
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг