Ўзбек миллий мусиқа санъати намойиш этилди
Саудия Арабистони пойтахтида ўтказилган “Riyadh International Book Fair – 2025” халқаро китоб кўргазмасида Ўзбекистон миллий павильони ташкил этилгани ва унда мамлакатимиз тарихи, маданияти ва маънавий меросига бағишланган замонавий ва мумтоз нашрлар, илмий ишлар, фотоальбомлар ўрин олганидан хабарингиз бор.
Ушбу нуфузли тадбир доирасидаги концерт дастурларида Ўзбекистон давлат филармонияси Андижон вилояти бўлинмаси ижодий жамоаси ҳам қатнашди.
Санъаткорларимиз саҳнадаги чиқишлари орқали миллий куй-қўшиқлар, рақс ва халқона мусиқий йўналишларни маҳорат билан ижро этишди. Янграган мусиқа садолари нафақат ўзбек халқининг қалб гўзаллиги ва руҳиятини, балки миллий санъатимизнинг чуқур маъно ва тарихий илдизларга эгалигини ҳам намоён қилди.
“Riyadh International Book Fair – 2025” китоб ва билим байрамигина эмас, балки маданий мулоқот, халқлар ўртасидаги дўстлик ва ҳамжиҳатлик рамзи сифатида ҳам аҳамият касб этди.
Саминжон ҲУСАНОВ
«Халқ сўзи».
Тавсия этамиз
Кўп ўқилганлар
- G20 саммитининг Жанубий Африкада ўтказилиши шармандали ҳолат – Трамп
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
- Туркия суди Нетаньяҳуни Ғазода геноцид содир этганликда айблаб, ҳибсга олиш ордерини маъқуллади
- Россия НАТОга ҳужум қилиш учун шай ҳолатда — Бундесвер генерали
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг