Она диёр – ранглар жилосида
Фарғона шаҳри ҳудудидаги Экошаҳарда мамлакатимиз мустақиллигининг 34 йиллигига бағишлаб вилоят касбий таълим ташкилотлари ўқувчилари ўртасида “Она диёр – ранглар жилосида” мавзусида расмлар кўргазмаси бўлиб ўтди.
Тадбир доирасида фарғоналик таниқли рассомлар ва ёш истеъдодлар иштирокида маҳорат сабоқлари ўтказилди. Қатнашчилар кўз ўнгида янги ижодий маҳсулотлар яратилиб, қизиқувчиларга байрам совғаси сифатида туҳфа этилди.
— Ёшларнинг асарларида Ватан, болалик, миллий қадриятлар, кўҳна тарих ва бугунги фаровон ҳаёт кўринишлари маҳорат билан тасвирланди, — дейди тажрибали рассом Отабек Шокиров. — Ранг ва тасвирлар уйғунлиги, келажагимиз ворисларининг кенг билими ва дунёқараши, ижодий салоҳияти эътиборга молик.
Расмлар кўргазмаси якунида энг сара ижод намуналари муаллифлари тақдирланди.
Ботир МАДИЁРОВ
«Халқ сўзи»
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг