Нуронийлар – эътиборда

18:32 05 Октябр 2021 Жамият
324 0

Фото: Саминжон Ҳусанов / Халқ сўзи

Андижон вилоятида “Кексаларни эъзозлаш, уларга ҳурмат-эҳтиром кўрсатиш — халқимизга хос эзгу фазилат” ғояси остида "Кексалар ҳафталиги" уюшқоқлик билан ўтказилмоқда.

Ҳафталик доирасида вилоят марказидаги "Ҳожатақсим ота" зиёратгоҳида 80 нафар фахрий иштирокида давра суҳбати ташкил қилинди. Унда ибратли ҳаёт йўлини босиб ўтган нуронийлар юртимизда ёши улуғ инсонлар доимо эътиборда ва эъзозда эканидан мамнунлигини алоҳида эътироф этдилар.

Пахтаобод туманида ўтган тадбир ҳам отахону онахонларга унутилмас таассуротлар бахш этди.

– Бугун камида ўн ёшга ёшарганим рост,-дейди пахтаободлик Абдулла ота Холбоев. – Ёшлар билан шахматда беллашдим. Ютганимга қараганда ҳали бардам эканман.

Шахмат мусобақасидан сўнг бир гуруҳ ёшлар Тўпабжувоз маҳалласида яшовчи Акрамжон Асқаровнинг ҳолидан хабар олиб, уй ишларига кўмаклашди.

Бундай тадбирлар барча ҳудудларда давом этмоқда.

Саминжон ҲУСАНОВ, “Халқ сўзи”.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?