Nuroniylar – eʼtiborda

18:32 05 Oktyabr 2021 Jamiyat
234 0

Foto: Saminjon Husanov/ Xalq soʻzi

Andijon viloyatida “Keksalarni eʼzozlash, ularga hurmat-ehtirom koʻrsatish — xalqimizga xos ezgu fazilat” gʻoyasi ostida “Keksalar haftaligi” uyushqoqlik bilan oʻtkazilmoqda.

Haftalik doirasida viloyat markazidagi “Hojataqsim ota” ziyoratgohida 80 nafar faxriy ishtirokida davra suhbati tashkil qilindi. Unda ibratli hayot yoʻlini bosib oʻtgan nuroniylar yurtimizda yoshi ulugʻ insonlar doimo eʼtiborda va eʼzozda ekanidan mamnunligini alohida eʼtirof etdilar.

Paxtaobod tumanida oʻtgan tadbir ham otaxonu onaxonlarga unutilmas taassurotlar baxsh etdi.

– Bugun kamida oʻn yoshga yosharganim rost,-deydi paxtaobodlik Abdulla ota Xolboyev. – Yoshlar bilan shaxmatda bellashdim. Yutganimga qaraganda hali bardam ekanman.

Shaxmat musobaqasidan soʻng bir guruh yoshlar Toʻpabjuvoz mahallasida yashovchi Akramjon Asqarovning holidan xabar olib, uy ishlariga koʻmaklashdi.

Bunday tadbirlar barcha hududlarda davom etmoqda.

Saminjon HUSANOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?