Архив фото

Россия Тергов қўмитаси Россия Қуролли кучлари Бош штаби Бош оператив бошқармаси бошлиғининг ўринбосари, генерал-лейтенант Ярослав Москалик Москва вилоятининг Балашиха шаҳрида автомобиль портлаши оқибатида ҳалок бўлганини тасдиқлади.

«Россия Тергов қўмитаси Балашиха шаҳридаги Нестеров кўчасидаги 2-уй яқинида «Волксwаген Гольф» русумли автомашинанинг портлаши бўйича Россия Федерацияси Жиноят кодексининг 105-моддаси ва 222.1-моддасида назарда тутилган жиноятлар (қотиллик, портловчи моддаларнинг ноқонуний айланиши) бўйича жиноий иш қўзғатди», — дейилади хабарда.

Тергов қўмитасининг қўшимча қилишича, портлаш таркибида шикастловчи элементлар бўлган қўлбола портловчи қурилманинг портлаши натижасида содир бўлган. Терговчилар воқеа жойини текширишга киришган.

Автомобиль портлаши 25 апрель куни эрталаб содир бўлган. Шу пайт генерал тўхтаб турган машина ёнидан ўтиб кетаётган бўлган. Портлаш тўлқини ҳарбийни бир неча метр четга улоқтириб юборган. Ярослав Москалик 2021 йилда Россия Мудофаа вазирлиги Бош штаби Бош оператив бошқармаси бошлиғининг ўринбосари лавозимига тайинланган эди.