Фото: Reuters

АҚШ президентлигига номзод Дональд Трамп Россия президенти Владимир Путинга “Украина ортидан қувса” Москвага зарба бериш билан таҳдид қилди. Трамп бу ҳақда “The Wall Street Journal” нашрига берган интервьюсида айтиб ўтди.

У бу мулоқот қандай шароитда бўлганига аниқлик киритмади, бироқ Путин билан яхши муносабатларга эга эканлигини қўшимча қилди.

Трампнинг сўзларига кўра, у Россия президентига Украина туфайли Москва марказига кучли ҳужум уюштиришини айтган.

“Владимир, агар сен Украинани қувсанг, мен шундай куч билан зарба бераманки, ҳатто ишонмайсан. Мен лаънати Москванинг марказига зарба бераман. Мен буни қилишни хоҳламайман, лекин бошқа иложим йўқ”, — деган Дональд Трамп.

Трампнинг таъкидлашича, Путин бунга “йўқ” деган ибора билан жавоб берган. АҚШ президентлигига номзод бу мулоқот қандай шароитда бўлганига аниқлик киритмади. Шу билан бирга, у Путин билан яхши дўстона муносабатларга эга эканлигини қўшимча қилган.

“Россия президенти менинг ақлдан озганимни билади”, — дея хулоса қилади Трамп.

Сиёсатчи аллақачон Путинга Россияга зарба бериш билан таҳдид қилганини айтган. Трамп 2022 йилда Пирс Морганга берган интервьюсида, агар у ҳали ҳам ҳокимиятда бўлса, Россиянинг Украинада “махсус ҳарбий операцияси”ни бошлашига тўсқинлик қила олишини айтганди. Собиқ президент Путинни давлат раҳбари сифатида Украинадаги можаро авж олган тақдирда, Москва жиддий оқибатларга олиб келишидан огоҳлантирган.

2017 йил июль ойида Путин ва АҚШнинг ўша пайтдаги президенти Трамп Гамбургда учрашган эди. Мулоқот чоғида Трамп Украинага қурол етказиб бериш режаларини маълум қилган ва Россия раҳбаридан бу ҳақда қандай фикрда эканлигини сўраган. Путин бу қадам хато бўлишини айтган. Ўшанда АҚШнинг собиқ раҳбари эътироз билдирмаган.

Президентлар 2017 йил 28 январь куни бўлиб ўтган илк телефон суҳбатида Украина мавзусини ҳам муҳокама қилишган. “The New York Times” газетаси суҳбатдошларига кўра, Путин постсовет мамлакатидаги коррупция ҳақида гапирган, Трамп эса вазминлик билан муносабат билдирган. У суҳбатдошининг фикрига қўшилмаган, лекин Украинани ҳам ҳимоя қилмаган.