Марҳаматда янги поликлиника иш бошлади
Саминжон ҲУСАНОВ/“Халқ сўзи”. Марҳамат туманидаги “Полвонтош” шаҳарчаси поликлиникаси мутлақо янги қиёфа ва шароитда қайта иш бошлади. Бунинг учун 2 млрд. 400 млн. сўм маблағ йўналтирилди.
— Поликлиникамиз 1949 йилда қурилган бўлиб, бугунги кун талабига мутлақо жавоб бера олмай қолган эди, — дейди меҳнат фахрийси Абдураҳмон Исоқов. — Уни таъмирлаш учун “Ташаббусли бюджет” лойиҳасида овоз тўплаб, ғолиб бўлдик. Таъмирлаш ишлари амалга оширилгач, республика соғлиқни сақлаш вазирлиги томонидан янги жиҳозлар ажратилди. Натижада тиббиёт ходимлари замонавий бинога, аҳоли эса барча шароитга эга бўлган тиббий хизматга эга бўлди.
46 нафар тиббиёт ходимлари билан 16 минг нафар аҳолига сифатли хизмат кўрсатиб келаётган ушбу поликлиника полвонтошликларнинг ҳамжиҳатлиги ифодаси сифатида ҳам шаҳарчага файз бериб турибди.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг