Олимпиада чемпионини 40 сонияда мағлуб этган Келдиёрова «Катта дубулға» турнири ғолибига айланди

11:38 25 Март 2023 Спорт
1034 0

Фото: IJF

Грузиянинг Тбилиси шаҳрида ўтаётган дзюдо бўйича “Катта дубулға” турнирининг илк куни Ўзбекистон терма жамоаси учун муваффақиятли ўтди. -52 кг вазн тоифасида барча рақибларини мағлубиятга учратган ҳамюртимиз Диёра Келдиёрова мусобақа ғолибига айланди.

Барча беллашувларни муддатидан аввал якунлаб келаётган самарқандлик дзюдочимиз финалда ҳам чемпионлик учун кўп вақт сарфламади. Токио-2020 Олимпиадаси чемпиони косоволик Дистрия Красничи атиги 40 сония ичида таслим этилди.

Бу Келдиёрова учун “Катта дубулға” турнирларидаги тўртинчи олтин медал ҳисобланади. Ушбу ғалаба орқали у жаҳон рейтинги учун 1000, Париж-2024 йўлида 500 очкони ўз ҳисобига қўшиб қўймоқда.
 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?