Фото: Reuters

Исроил ва ҲАМАС ҳаракати ўртасидаги ҳарбий можаро келаси йилнинг январь февраль ойларида, яъни маҳбуслар алмашинуви якунлангач, музлатилади. Ушбу фикрларни исроиллик сиёсатшунос, хавфсизлик ва Яқин Шарқ бўйича эксперт Саймон Ципис айтиб ўтди.

“Исроил армиясининг ҳарбий операцияни қайта бошлаши исроилликлар учун зарур”, деди у НСН телеканалига берган интервьюсида.

“Кеча Бош штаб қўмондони ҳарбий амалиёт давом этиши, жамият буни хоҳлаётгани ҳақида баёнот берди. Шунинг учун бу шунчаки операцияни давом эттиришнинг кўриниши, бир неча кундан кейин отишмалар тугайди ва яна гуманитар танаффус эълон қилинади”, — дея ишонмоқда Ципис. Танаффус, унинг фикрича, бир-икки кундан кейин давом этади.

Мутахассис можаронинг яқинлашиб келаётган музлатиш ҳақидаги фикрини Қўшма Штатлар Исроил армиясининг Ғазо жанубига янада олдинга силжишига қарши эканлиги билан изоҳлади. Унгача можаро ё авж олади, ё танаффус қилади, деб ҳисоблайди эксперт.

“ҲАМАС йўқ қилинмайди, можаро суст фазага, яроқсиз урушга ўтади, — дейди исроиллик сиёсатшунос. — АҚШ тўғридан-тўғри Исроилга тинч аҳоли туфайли жанубий қисмига кирмасликни айтади. Шунинг учун Исроил армияси ҳозирда жойлашган позицияларда ҳарбий операция якунланади ва бундан кейин олдинга силжиш бўлмайди”.

Эслатиб ўтамиз, бугун Исроил мудофаа кучлари ҳаракатни сулҳ шартларини бузганликда айблаб, ҲАМАСга қарши жанговар ҳаракатларни давом эттирди. Ўз навбатида, ҲАМАС жанговар ҳаракатлар қайта бошланганида Исроилни айблади.

Яқин Шарқдаги вазият 7 октябрь куни Ғазо секторидан Исроилга Фаластиннинг ҲАМАС ҳаракати жангариларининг кириб келиши, Исроил билан чегарадош ҳудудлар аҳолисининг ўлдирилиши ва 200 нафардан ортиқ, жумладан, болалар, аёллар ва қарияларнинг гаровга олин олиниши билан кескин ёмонлашди. ҲАМАС ҳужумни Исроилнинг Қуддусдаги Ал-Ақсо масжидига қарши ҳаракатларига жавоб деб атади.

Шундан сўнг Исроил Бош вазири Бинямин Нетаньяху мамлакат уруш ҳолатида эканлигини эълон қилди. Мамлакат мудофаа кучларининг жавоб операцияси “Темир қиличлар” деб аталди ва унинг мақсади ҲАМАСни йўқ қилиш ҳисобланади.