Исроил мудофаа вазири Ғазо шаҳрини эгаллаш операциясини маъқуллади
Исроил мудофаа вазири Исроил Кац «Гидеон аравалари — 2» номини олган ҳарбий операцияни тасдиқлади. Бу ҳақда Kan телеканали хабар берди.
«Операция якунлангач, Ғазо мутлақо ўзгача кўринишга эга бўлади ва ҳеч қачон аввалгидек бўлмайди», — деди Кац.
Маълумотларга кўра, Исроил армияси захирадагиларни чақиришни бошламоқда. 20 августдан бошлаб 80 мингга яқин чақирув қоғозлари юборилиши режалаштирилган. Бу қадам армиянинг Ғазога йўналтирилаётган қуролли ҳужумга тайёргарликлари билан боғлиқ.
18 август куни ЦАХАЛ бош штаби раҳбари Эяль Замир операциянинг кейинги босқичи — Ғазо шаҳрига қуролли юришга тайёргарлик кўрилаётганини маълум қилди. Унга кўра, штаб ҳозирда батафсил режалар устида ишламоқда.
Эслатиб ўтамиз, аввалроқ Исроилнинг ҳарбий-сиёсий кабинети ҳам Ғазо шаҳри устидан назорат ўрнатиш режасини маъқуллаган эди.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг