Фото: Sports24

Собиқ футболчи Тони Кроос Германиянинг иммиграция сиёсатидан хавотир билдириб, муҳожирлар оқимини «жуда назоратсиз» деб атади. Ўн йилдан Мадридда яшаётган футболчи Германиядан кетганидан кейин мамлакат сезиларли даражада ўзгарганини айтди.

«The Telegraph» нашрининг хабар беришича, спортчи муҳожирларни кутиб олишни қўллаб-қувватласада, мамлакат бунчалик кўп муҳожирни бошқаришда қийналганига ишонишини билдирди.

Крооснинг бундай ёндашуви Германиянинг иммиграция бўйича давом этаётган мунозаралари фонига тўғри келади. Собиқ канцлер Ангела Меркел 2015 йилда мамлакатга бир миллион қочқинга рухсат берганидан сўнг мамлакат кўплаб қочқин ва муҳожирларни қабул қилишни бошлаган эди.

Бу қарор баҳс мавзуси бўлиб, ўта ўнгчи «Германия учун муқобил» партиясининг кучайишига олиб келди. Икки фуқароликка рухсат берувчи сўнгги ислоҳотлар мунозараларни янада кучайтириб юборган.

Футболчи, шунингдек, Германиядаги хавфсизлик билан боғлиқ хавотирларини муҳокама қилиб, у ўн йил аввалгидек хавфсиз эканлигини ҳис қилмаслигини айтди. Кроос хавфсизлик хавотирлари туфайли қизининг немис шаҳрига эмас, балки Испания шаҳрига боришини афзал кўришини айтди.

«Ҳамма жойда муаммолар бор, ҳамма жой гавжум. Мен Испанияда қолишда давом этаман, чунки қизимни Германия шаҳарларидан бирида кечаси 11 да ташқарига чиқаришга қўрқаман», деган собиқ футболчи.

Аввалроқ, Тони Крооснинг собиқ жамоадоши Криштиану Роналду Жоау Феликсни «дўстлар» сафидан чиқаргани ҳақида хабар берган эдик.