Кеча , 30 август куни Мудофаа вазирлиги марказий аппаратида «Париж -2024» Олимпия ўйинларида иштирок этган бир гуруҳ ҳарбий хизматчи ва ходимлари ҳамда уларнинг мураббийларини тақдирлашга бағишланган тадбир бўлиб ўтди Тадбирда мудофаа вазири генерал-лейтенант Баҳодир Қурбонов совриндор бўлган Мудофаа вазирлиги ҳарбий хизматчилари ҳам тақдирлади .
Хусусан , вазирликнинг Олий спорт натижаларини ривожлантириш маркази спортчиси , Олимпиада олтин медали соҳиби лейтенант Диёра Келдиёровага муддатидан олдин навбатдаги «катта лейтенант » ҳарбий унвони топширилди . Шунингдек , у «Тўмарис » кўкрак нишони билан ҳам тақдирланди .
Фото: Мудофаа вазирлиги
Олимпиадада таэквондо бўйича олтин медални қўлга киритган спортчи , кичик сержант Улуғбек Рашитов бошланғич офицерлик — «лейтенант » ҳарбий унвони , мусобақа кумуш медалига эга чиққан кичик сержант Светлана Осипова «лейтенант » ҳарбий унвони билан тақдирланди . Шунингдек , Светланага «Тўмарис » кўкрак нишони ҳам топширилди .
Бундан ташқари , Олимпия ўйинларига тайёргарлик кўришдаги фаоллиги ҳамда хамкорлиги учун марказ ўқитувчи мураббийи , Қуролли кучлар хизматчиси Павел Хан икки хонали уй билан , бокс бўйича мусобақаларда матонат ва жасорат кўрсатгани учун оддий аскар Цитора Турдибекова «Тўмарис » кўкрак нишони билан тақдирланди .
Шунингдек , Бокс федерацияси бош мураббийи Тўлқин Қиличев , бокс бўйича аёллар бош мураббийи Элшод Расулов , Олий спорт натижаларини ривожлантириш маркази ўқитувчиси , Қуролли кучлар хизматчиси Акмал Ҳасанов мудофаа вазирининг «Малакали устоз » кўкрак нишонига муносиб кўрилди .
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг