Деразани очинг энди...
Деразани очинг энди,
Очинг кўнгил қулфини ҳам.
Кўча эшик очилсин ланг,
Келиб қолди, яшил кўклам!
Ана қаранг, қирда майса,
Олча гули, сумалак у.
Нилуфаржон, Мухлисахон,
Толпопукли — жамалак у.
Баланд-баланд учар варрак,
Қалдирғочдан ўзарман дер.
Баҳор — рассом. Томларнида,
Қизғалдоқла безарман дер.
Саксон ёшли онахонга,
“Юринг кетдик, — дейди еллар.
Анов ёқда сайли Наврўз!
Дупур-дупур отлар елар”.
Ўн саккиз ёш Баҳоройни,
Суйиб момо пичирлайди:
“Сеникидек юзим ширмой ,
Ҳам сочларим толим эди”.
Етаклашиб чопар қирда,
Баҳор — бола. Бола — баҳор.
Эгизакдек иккисида
Бирга ўтар — умри наҳор.
Шошқалоқдир энди тонглар,
Зуҳро гўё Қуёш бўлар.
Осмон етмай Ер васлига.
Ҳижронлари кўз ёш бўлар.
Деразани очинг энди,
Очинг кўнгил қулфини ҳам.
Кўча эшик очилсин ланг,
Келиб қолди, меҳмон кўклам!
Аҳмадали ШЕРНАЗАРОВ.
Сирдарё вилояти.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг