Derazani oching endi...
Derazani oching endi,
Oching koʻngil qulfini ham.
Koʻcha eshik ochilsin lang,
Kelib qoldi, yashil koʻklam!
Ana qarang, qirda maysa,
Olcha guli, sumalak u.
Nilufarjon, Muxlisaxon,
Tolpopukli — jamalak u.
Baland-baland uchar varrak,
Qaldirgʻochdan oʻzarman der.
Bahor — rassom. Tomlarnida,
Qizgʻaldoqla bezarman der.
Sakson yoshli onaxonga,
“Yuring ketdik, — deydi yellar.
Anov yoqda sayli Navroʻz!
Dupur-dupur otlar yelar”.
Oʻn sakkiz yosh Bahoroyni,
Suyib momo pichirlaydi:
“Senikidek yuzim shirmoy ,
Ham sochlarim tolim edi”.
Yetaklashib chopar qirda,
Bahor — bola. Bola — bahor.
Egizakdek ikkisida
Birga oʻtar — umri nahor.
Shoshqaloqdir endi tonglar,
Zuhro goʻyo Quyosh boʻlar.
Osmon yetmay Yer vasliga.
Hijronlari koʻz yosh boʻlar.
Derazani oching endi,
Oching koʻngil qulfini ham.
Koʻcha eshik ochilsin lang,
Kelib qoldi, mehmon koʻklam!
Ahmadali ShERNAZAROV.
Sirdaryo viloyati.
Tavsiya etamiz
Ko‘p o‘qilganlar
- Viloyat hokimi chekka qishloqdagi aholi xonadonida tunamoqda (foto)
- 23 yoshli yigit oʻqishga kira olmaganini yashirish uchun oilasining barcha aʼzolarini oʻldirdi
- “Faridaning ikki ming qoʻshigʻi” filmi belgilangan vaqtda yuborilmaganligi sabab “Oskar”da qatnashmaydi
- Ibn Sino haqmidi? Olimlar Italiyaning Jilyo oroli aholisida orasida birorta koronavirus qayd etilmaganiga izoh berdi
- Fargʻonada 19 yashar qizni zoʻrlagan uch erkak haqidagi xabarlarga munosabat bildirildi
- Toshkentda selfiga tushish uchun poyezd ustiga chiqqan bolani 27 ming volt tok urdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring