Россияда вирусли касалликларнинг кўпайиши кузатилмоқда. Мамлакатда чўчқа гриппи деб аталадиган А (H1N1) гриппи ҳам кенг тарқалди. Терапевт Надежда Чернишова «Вечерная Москва»га унинг хавфи нима ва кимлар хавф остида эканлигини айтди.

Қайд этилишича, касалланган одам бир неча соат ичида юрак, мия, ўпка, қон томирлари ва жигар жиддий шикастланганда кўп аъзолар етишмовчилигини бошдан кечиради.

Шифокорнинг таъкидлашича, бундай аҳволга тушган одамга ўз вақтида малакали ёрдам кўрсатилмаса, оқибати жуда оғир, ҳатто ўлимга олиб келиши мумкин. Чўчқа гриппи сурункали касалликларга чалинган ва иммунитети заиф одамлар учун қийинроқ кечади. Ёш болалар ва қариялар ҳам заифдир, чунки улар касаллик билан курашиш учун озгина кучга эга.

Чернишованинг сўзларига кўра, касалликнинг олдини олишнинг энг ишончли усули бу эмлашдир. Шунингдек, шахсий гигиена қоидаларига риоя қилишни ва ниқобларни эътиборсиз қолдирмасликни унутмаслик керак.