Бугун, 22 май куни тунда, Тошкент вақти билан соат 00:00 да Италиянинг «Аталанта» клуби ҳамда Германиянинг «Байер» жамоалари кўҳна қитъада нуфузи бўйича ЕЧЛдан кейин кейинги ўринда турадиган турнир - Европа лигасининг (ЕЛ) финалида ўзаро куч синашади. Бу мавсумда ўзига хос услуб ва ажойиб рекордларга эга бўлган икки жамоа қарама-қаршилиги футбол ишқибозларини бефарқ қолдирмаслиги тайин.

Хаби Алонсо мураббийлигидаги «Байер» суперкомпютер талқинига кўра учрашувда фаворит, бироқ Дублиндаги «Авива» стадионига Жан Пьеро Гасперини бошчилигидаги «Аталанта» ҳам осонликча келиб қолмаган. Италианлар ўз тарихларида биринчи маротаба Европдаги нуфузли турнир финалида ўйнамоқда.

Леверкузенликлар ажойиб мавсум ўтказди. Барча мусобақаларда 51 ўйинда мағлубиятга учрамаган ҳолда Европанинг кучли беш лигаларидаги янги рекорд натижани қайд этди. Бугунги финал эса немислар учун потенциал треблнинг энг муҳим баҳси саналади. 

«Аталанта» ўзининг биринчи Европа финалини мустаҳкам мудофаа ва тезкор ҳужум эвазига қўлга киритди. Италия кубоги финалида «Ювентус»дан учралган мағлубиятдан куйин бу ўйин улар учун мавсумдаги сўнгги соврин учун охирги имкониятдир.

«Байер»нинг финалгача бўлган йўли драматик кечди. Яъни уларнинг Лигадаги 31 та голидан олтитаси 90-дақиқада ёки ундан кейин урилган. 

Гасперини ва Алонсо ўртасидаги тактик жанг бу финалнинг энг қизиқарли жиҳатларидан биридир. Иккала менежернинг ҳам ўзига хос услублари бор: Гасперини тажовузкор, юқори прессингли ўйинни афзал кўради, Алонсо бўлса назорат ва босим остида ўйнашга урғу беради. 

Хулоса қилиб айтганда, «Аталанта» – «Байер» ўртасидаги УЕФА Европа Лигаси финали тактик жангларга, индивидуал ёрқинликка ва тарихий аҳамиятга эга учрашув бўлиши кутилмоқда. Жамоалар мавсум давомида ажойиб ирода ва сифат кўрсата олишди. Ушбу финал «Байер» учун халқаро майдонларда ишонч, «Аталанта» учун эса сўнгги умид бўлиши мумкин.