Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Фарғона вилояти ҳудудий бошқармаси томонидан Ўзбекистон Республикасининг “Давлат харидлари тўғрисида” ва “Рақобат тўғрисида«ги Қонун талабларига риоя қилиниши борасида жорий йилнинг 15 июнь ҳолатида 1030 та лот бўйича 2471,1 миллиард сўмлик танлов ва тендер савдолари юзасидан ўрганиш ишлари олиб борилди.

— Ўрганиш якуни бўйича амалдаги тартибга риоя этмагани учун 34 та буюртмачи ташкилотнинг мансабдор шахсларига нисбатан Ўзбекистон Республикаси “Маъмурий жавобгарлик тўғрисида«ги Кодексининг 279-281-моддаларига асосан маъмурий ҳуқуқбузарлик тўғрисида баённома тузилиб, Жиноят ишлари бўйича туман, шаҳар судлари орқали маъмурий жарималар қўлланилди,—дейди ҳудудий бошқарма бош мутахассиси Баҳодиржон Умаралиев. — Шу билан бирга ҳудудий бошқарма томонидан юқоридаги буюртмачи ташкилотларнинг мансабдор шахсларига “Давлат харидлари тўғрисида” ва “Рақобат тўғрисида«ги Қонун талабларига риоя қилиниши бўйича тегишли қарор ҳамда кўрсатмалар берилди.

Айни йўналишда ҳудудий бошқарма мутахассислари томонидан вилоятдаги барча шаҳар ва туманларда “Давлат харидлари соҳасида қонунчилик ижроси” мавзусида мунтазам равишда семинар-тренинглар ўтказиб келинмоқда. Учрашувларда давлат харидлари соҳасида қонунчилик ижроси бўйича тушунтириш ишлари олиб борилмоқда.

                                                                          Ботир МАДИЁРОВ, “Халқ сўзи”.